Ձեռքերը պարզած հեշտ ես կորցնում, իսկ բռունցքը` հակառակը, այն նույնիսկ ահ է տարածում մարդկանց վրա, զգուշացնում, որ անհնար է այդ բռունցքից խլել որևէ բան. Մի հատ փորձեք և այդ բռունցքը ուժգնությամբ կհասցնի ձեր դեմքին:
Բռունցքավոր են մարդիկ, պարզած ու մեկնած ձեռքեր հազվադեպ են հանդիպում:
Բոլորը նյութապաշտ են դարձել, կուռք են դարձրել հարստյալներին և հեռու են մնում կարիքավորներից, նախկին բարոյականություն քարոզողներն ինքներն են անբարոյի կյանք վարում, ինչ անենք, որ չունեմ «ռենջ ռովեր» ու նման «աստվածային» իրեր, ուրեմն պետք է խլեք այս ձեռքերից այն փոքրիկ գտածոն, որն այդ ձեռքերի միակ ուրախութունն էր…
Պատասխան չկա ոչ մի հարցի, միայն շարունակում են դողալ իմ ձեռքերը ու մտքերի շարանը փորձում է ելքեր գտնել…
Ո´չ, ես բռունցքավոր չեմ դառնալու ձեզ նման, ես կմնամ նույնը, պարզած ձեռքերով մարդը, պարզապես արդեն ձեզ ձեռք մեկնելուց կդողան իմ ձեռքերը…
Комментариев нет:
Отправить комментарий